ცირა გულუა

პროექტი „9 აპრილი დღე სიხარულისა და მწუხარებისა“ მიზნად ისახავდა მოსწავლეთა ისტორიული, მოქალაქეობრივი და ეროვნული ცნობიერების გაღრმავებას. სხვადასხვა შემეცნებითი და შემოქმედებითი აქტივობის პერფორმანსის, ლექსების კითხვისა და თემატური ღონისძიებების საშუალებით მოსწავლეები გაეცნენ 1989 წლის 9 აპრილის მოვლენებს, გააანალიზეს ამ დღის ისტორიული მნიშვნელობა და გააცნობიერეს თავისუფლებისა და დამოუკიდებლობის ფასეულობა. პროექტმა ხელი შეუწყო ეროვნული მეხსიერების, პატივისცემის, ერთიანობისა და სამოქალაქო პასუხისმგებლობის განცდის გაძლიერებას.

პროექტი მიეძღვნა „ვეფხისტყაოსნის“ მნიშვნელობის გააზრებასა და პოპულარიზაციას. პროექტის ფარგლებში მოსწავლეები გაეცნენ აფორიზმებს, იმსჯელეს მათ შინაარსზე, გამოხატეს საკუთარი მოსაზრებები და შექმნეს შემოქმედებითი ნამუშევრები. აქტივობებში მნიშვნელოვანი ადგილი დაეთმო დისკუსიას, ტექსტის ინტერპრეტაციას, ვიზუალიზაციას, ლიტერატურულ დავალებებსა და თეატრალურ წარმოდგენებს. შემაჯამებელ ეტაპზე ჩატარდა ვიქტორინა და წარმოდგენილი იქნა მოსწავლეთა შემოქმედებითი ნომრები. პროექტმა ხელი შეუწყო მოსწავლეებში ქართული ლიტერატურისადმი ინტერესის გაძლიერებას, კრიტიკული აზროვნების, კომუნიკაციის, თანამშრომლობისა და შემოქმედებითი უნარების განვითარებას.

აქტივობა „ჩვენ და აფხაზეთს ერთი მზე გვათბობს“ მიეძღვნა მშვიდობის, თანაცხოვრებისა და ურთიერთგაგების მნიშვნელობის გააზრებას. მასში მონაწილეობდნენ საზღვრისპირა სტატუსის მქონე სკოლების მოსწავლეები. მშვიდობიანი მსვლელობითა და მზის სიმბოლური იმიტაციის გაშლით მოსწავლეებმა გამოხატეს მშვიდობის მხარდაჭერა და ერთიანობის სურვილი. აქტივობამ ხელი შეუწყო მოსწავლეებში სამოქალაქო ცნობიერების, პასუხისმგებლობის, ტოლერანტობისა და მშვიდობის კულტურის განვითარებას.

პროექტი „ქართული ტრადიციული სამოსის დღე“ მიზნად ისახავდა მოსწავლეებში ეროვნული კულტურისა და ტრადიციებისადმი ინტერესის გაღრმავებას. ქართული სამოსით ქალაქის ქუჩებში გამართულმა მსვლელობამ ხელი შეუწყო კულტურული მემკვიდრეობის პოპულარიზაციას, ხოლო საკლუბო შეხვედრაზე მოსწავლეებმა იმსჯელეს ქართული ტრადიციული სამოსის ისტორიულ და კულტურულ მნიშვნელობაზე. პროექტმა გააძლიერა მოსწავლეთა ეროვნული იდენტობის, პასუხისმგებლობისა და ტრადიციების დაცვის სურვილი.

პროექტი „25 თებერვალი — ოკუპაციის დღე“, რომელიც მკითხველთა კლუბის „ყველაზე წიგნიერი“ ფარგლებში განხორციელდა, მიზნად ისახავდა მოსწავლეებში ისტორიული ცნობიერების, კრიტიკული აზროვნებისა და მოქალაქეობრივი პასუხისმგებლობის გაღრმავებას. კვლევითი აქტივობების, სემინარ-ლექციის, დოკუმენტური ფილმის ჩვენებისა და პერფორმანსის საშუალებით მოსწავლეებმა გააანალიზეს ოკუპაციის ისტორიული მნიშვნელობა, იმსჯელეს მის შედეგებზე და გაიაზრეს ეროვნული მეხსიერების დაცვის აუცილებლობა. პროექტმა ხელი შეუწყო მოსწავლეთა აქტიურ ჩართულობას, არგუმენტირებული მსჯელობის უნარის განვითარებასა და ისტორიული მოვლენების ემოციურ-ღირებულებით გააზრებას.

პროექტი მიზნად ისახავდა ქართული კულტურის პოპულარიზაციას, საქართველოსა და სომხეთს შორის კულტურული კავშირების გაძლიერებას და ახალგაზრდებს შორის მეგობრობისა და თანამშრომლობის გაღრმავებას. პროექტის ფარგლებში გაიმართა ქართული ცეკვებისა და სიმღერების წარმოდგენა, კონფერენცია, სასწავლო კომპლექსის დათვალიერება და კულტურული შეხვედრები.

ცნობა ადასტურებს, რომ ცირა გულუა ხელმძღვანელობდა ახალსოფლის საჯარო სკოლის მოსწავლეთა გუნდს ნიკო კეცხოველის პრემიის ფარგლებში განხორციელებულ გარემოსდაცვით აქტივობებში.

ცნობა ადასტურებს ცირა გულუას მონაწილეობას EduLinks-ის მასწავლებელთა პროფესიული განვითარების სასწავლო პროგრამაში, რომელიც მოიცავდა ტრენინგებს, მენტორინგს და პროფესიული განვითარების აქტივობებს.

პროექტი მიზნად ისახავდა მოსწავლეებში ხმამაღლა და ინტონაციით კითხვის უნარის განვითარებას. მოსწავლეებმა იმუშავეს წყვილებში, მოისმინეს კითხვის მოდელი, გაიაზრეს მოთხრობა „მუხა“ და უყურეს თემასთან დაკავშირებულ ვიდეომასალას. აქტივობებმა ხელი შეუწყო გამართული კითხვის, ტექსტის ემოციური გადმოცემის, აქტიური მოსმენისა და ბუნებისადმი ინტერესის გაღრმავებას.

აქტივობა „მწვანე პატრული“ მიზნად ისახავდა მოსწავლეებში გარემოზე ზრუნვის, სისუფთავისა და პასუხისმგებლობის გააზრებას. მოსწავლეებმა საკუთარი ინიციატივით დაასუფთავეს სკოლის მიმდებარე ტერიტორია, ითანამშრომლეს ერთმანეთთან და პრაქტიკულად დაინახეს, რომ ბუნების დაცვაში თითოეულ ადამიანს შეუძლია წვლილის შეტანა. აქტივობამ ხელი შეუწყო ეკოლოგიური კულტურის, მოქალაქეობრივი ცნობიერებისა და გუნდური მუშაობის უნარების განვითარებას.

8 მარტისადმი მიძღვნილი კვირეულის ფარგლებში მოსწავლეებმა ისაუბრეს დედის როლზე, სიყვარულზე, პატივისცემასა და ოჯახურ ღირებულებებზე. მათ წაიკითხეს ლექსები, დაამზადეს მისალოცი ბარათები, შექმნეს ნახატები და მონაწილეობა მიიღეს აქტივობაში „მე ვიცნობ ჩემს შვილს“. კვირეული დასრულდა თბილი ღონისძიებით, სადაც მოსწავლეებმა წარმოადგინეს ნამუშევრები და გამოხატეს მადლიერება დედების მიმართ. აქტივობამ ხელი შეუწყო სიყვარულის, პატივისცემის, ემპათიისა და ოჯახური ღირებულებების გაღრმავებას.

პროექტი მიზნად ისახავდა მოსწავლეებში აზარტული თამაშების საფრთხეების შესახებ ცნობიერების ამაღლებას და ჯანსაღი არჩევანის გაკეთების უნარის განვითარებას. პროექტის ფარგლებში მოსწავლეებმა მოამზადეს კითხვარი, ჩაატარეს გამოკითხვა, გააანალიზეს მიღებული შედეგები და იმსჯელეს აზარტული თამაშების მავნე გავლენაზე. მათ დაამზადეს საინფორმაციო ბუკლეტები, დაგეგმეს ანტიკამპანია და მონაწილეობა მიიღეს კონფერენციაში, სადაც თანატოლებს გაუზიარეს მნიშვნელოვანი ინფორმაცია. პროექტმა ხელი შეუწყო მოსწავლეებში კრიტიკული აზროვნების, სოციალური პასუხისმგებლობის, თანამშრომლობისა და საკუთარი პოზიციის გამოხატვის უნარების განვითარებას. მოსწავლეებმა გააცნობიერეს აზარტული თამაშების უარყოფითი შედეგები და პასუხისმგებლიანი გადაწყვეტილების მიღების მნიშვნელობა.

პროექტის „რატომ ვზოგავ?“ ფარგლებში მოსწავლეებმა იმსჯელეს დაზოგვის მნიშვნელობაზე, ფინანსური მიზნების დასახვასა და საჭიროებებისა და სურვილების განსხვავებაზე. აქტივობებმა ხელი შეუწყო მოსწავლეებში ფინანსური წიგნიერების, პასუხისმგებლიანი დამოკიდებულების, პრაქტიკული აზროვნებისა და თანამშრომლობის უნარების განვითარებას.

ერთდღიანი პროექტი „წყალი სიცოცხლის ელექსირი“ მიზნად ისახავდა მოსწავლეებში წყლის მნიშვნელობისა და მისი დაცვის აუცილებლობის გააზრებას. უფროსკლასელების მიერ საინფორმაციო მასალის გაზიარების, უმცროსკლასელებთან საუბრისა და შემოქმედებითი აქტივობების საშუალებით მოსწავლეებმა უკეთ გაიაზრეს წყლის, როგორც სიცოცხლისთვის აუცილებელი რესურსის, მნიშვნელობა. პროექტმა ხელი შეუწყო ეკოლოგიური ცნობიერების, თანამშრომლობისა და წყლის დაცვისადმი პასუხისმგებლიანი დამოკიდებულების განვითარებას.

სამდღიანი პროექტი მიზნად ისახავდა მოსწავლეებში მწვანე მომხმარებლობის, მეორადი მოხმარებისა და ნარჩენების ხელახალი გამოყენების მნიშვნელობის გააზრებას. თემატური განხილვების, დისკუსიების, პრაქტიკული მუშაობისა და პრეზენტაციების საშუალებით მოსწავლეებმა გააანალიზეს ეკოლოგიური პრობლემები და მეორადი მასალებით შექმნეს სასარგებლო ნივთები. პროექტმა ხელი შეუწყო პასუხისმგებლიანი მოხმარების, შემოქმედებითი აზროვნების, თანამშრომლობისა და გარემოსდაცვითი ცნობიერების განვითარებას.

პროექტი „ჩვენ ვკითხულობთ ჩოხელს“ მიზნად ისახავდა მოსწავლეებში კითხვის კულტურის, ლიტერატურული აზროვნებისა და ქართული პროზისადმი ინტერესის განვითარებას. გურამ ჩოხელის ტექსტების კითხვის, განხილვისა და ლიტერატურული საუბრის საშუალებით მოსწავლეებმა გაიაზრეს მწერლის შემოქმედებითი სამყარო, ადამიანის სულიერი მდგომარეობა, ბუნებასთან კავშირი და ეთიკური ღირებულებები. პროექტმა ხელი შეუწყო ემოციური აღქმის, თვითგამოხატვისა და განსხვავებული მოსაზრებების პატივისცემის განვითარებას.

პროექტი „ჩვენ არ ვითვლით ქრომოსომებს“ მიზნად ისახავდა მოსწავლეებში განსხვავებულობის მიღების, თანასწორობისა და ინკლუზიური კულტურის განვითარებას. საინფორმაციო საუბრის, ვიზუალური მასალებისა და შემოქმედებითი აქტივობების საშუალებით მოსწავლეებმა გააცნობიერეს, რომ გენეტიკური განსხვავებულობა ადამიანის ღირებულებას არ განსაზღვრავს და თითოეული ადამიანი უნიკალურია. პროექტმა ხელი შეუწყო ემპათიის, მეგობრობის, ურთიერთპატივისცემისა და სტერეოტიპების შემცირების მნიშვნელობის გააზრებას.

სასკოლო კონფერენცია „ქალები, რომლებმაც შეცვალეს მსოფლიო“ მიზნად ისახავდა მოსწავლეებში ქალთა ისტორიული და საზოგადოებრივი როლის, ლიდერობისა და გენდერული თანასწორობის მნიშვნელობის გააზრებას. პრეზენტაციების მომზადებისა და წარდგენის, ვიზუალური მასალებისა და დისკუსიის საშუალებით მოსწავლეები გაეცნენ სხვადასხვა ეპოქისა და სფეროს გამორჩეული ქალების მიღწევებს. პროექტმა ხელი შეუწყო კვლევითი, საკომუნიკაციო და საჯარო გამოსვლის უნარების განვითარებას, მოტივაციის ამაღლებასა და თანასწორი შესაძლებლობების მნიშვნელობის გააზრებას.

ორდღიანი პროექტი მიზნად ისახავდა მოსწავლეებში ქალ ფერმერთა და მებაღეთა შრომის მნიშვნელობის, სოციალური პასუხისმგებლობისა და გენდერული თანასწორობის გააზრებას. ინტერვიუების ჩატარების, მიღებული ინფორმაციის ანალიზისა და პრეზენტაციების საშუალებით მოსწავლეებმა მიიღეს რეალურ ადამიანებთან კომუნიკაციის გამოცდილება და უკეთ დაინახეს ქალთა როლი სოფლისა და ქალაქის ცხოვრებაში. პროექტმა ხელი შეუწყო საკომუნიკაციო, ანალიტიკური და სოციალური ცნობიერების განვითარებას.

ტოლერანტობის კვირეული მიზნად ისახავდა მოსწავლეებში თანასწორობის, მრავალფეროვნებისა და ურთიერთპატივისცემის მნიშვნელობის გააზრებას. დისკუსიების, თემატური განხილვების, კულტურული მრავალფეროვნების გაცნობის, ფილმის ჩვენებისა და შემოქმედებითი აქტივობების საშუალებით მოსწავლეებმა იმსჯელეს სტერეოტიპებზე, განსხვავებულობის მიღებასა და ტოლერანტული გარემოს მნიშვნელობაზე. კვირეულმა ხელი შეუწყო ემპათიის, თანამშრომლობის, ინკლუზიური აზროვნებისა და მშვიდობიანი საზოგადოებისადმი პასუხისმგებლობის გაძლიერებას.

პროექტი „სოფელი პოლიეთილენის გარეშე“ მიზნად ისახავდა მოსწავლეებში ეკოლოგიური ცნობიერებისა და გარემოსდაცვითი პასუხისმგებლობის გაძლიერებას. თემატური განხილვისა და ნაჭრის ჩანთების შეკერვის პრაქტიკული აქტივობის საშუალებით მოსწავლეებმა გააანალიზეს პოლიეთილენის მავნე ზეგავლენა და მისი ჩანაცვლების შესაძლებლობა. პროექტმა ხელი შეუწყო თანამშრომლობის, შრომითი უნარების, ეკოლოგიურად პასუხისმგებელი დამოკიდებულებისა და კონკრეტული გარემოსდაცვითი ქმედების მნიშვნელობის გააზრებას.

პროექტი „სიყვარულმა ფერები არ იცის“ მიზნად ისახავდა მოსწავლეებში რასიზმის, დისკრიმინაციისა და თანასწორობის საკითხების გააზრებას. თემატური საუბრების, პრეზენტაციის, ფილმის ჩვენებისა და განხილვის საშუალებით მოსწავლეებმა გააცნობიერეს განსხვავებულობის პატივისცემის, ადამიანის ღირსებისა და ტოლერანტული გარემოს მნიშვნელობა. პროექტმა ხელი შეუწყო ემპათიის, თანაგრძნობისა და მოქალაქეობრივი პასუხისმგებლობის გაძლიერებას.

პროექტი „პოეზია უპირველეს ყოვლისა ცისფერყანწელები“ მიზნად ისახავდა მოსწავლეებში პოეზიისადმი ინტერესის, ლიტერატურული გემოვნებისა და შემოქმედებითი თვითგამოხატვის განვითარებას. პოეზიის საღამოს, ლექსების მხატვრული კითხვისა და თემატური საუბრის საშუალებით მოსწავლეებმა უკეთ გაიაზრეს „ცისფერყანწელების“ პოეტური სამყაროს მნიშვნელობა. პროექტმა ხელი შეუწყო ქართული ლიტერატურის პოპულარიზაციას, ესთეტიკური აღქმის გაღრმავებასა და პოეზიის, როგორც სულიერი და კულტურული ღირებულების, გააზრებას.

ერთდღიანი ტრენინგ-სემინარი მიზნად ისახავდა მონაწილეებში მდგრადი განვითარების მიზნების, მშვიდობისა და სტაბილურობის ურთიერთკავშირის გააზრებას. მდგრადი განვითარების 17 მიზნის ომის კონტექსტში განხილვის, ჯგუფური მუშაობის, დისკუსიებისა და რეფლექსიის საშუალებით მონაწილეებმა გააანალიზეს ომის გავლენა განვითარებაზე და მშვიდობის მნიშვნელობა მდგრადი მომავლისთვის. პროექტმა ხელი შეუწყო კრიტიკული აზროვნების, სამოქალაქო პასუხისმგებლობისა და სისტემური ხედვის განვითარებას.

პროექტი „მცირე პროზა რობერტ შელი, „აბსოლუტური იარაღი““ მიზნად ისახავდა მოსწავლეებში კრიტიკული აზროვნების, ეთიკური მსჯელობისა და ლიტერატურული ტექსტის გააზრების უნარის განვითარებას. მოთხრობის კითხვის, გარჩევისა და დისკუსიის საშუალებით მოსწავლეებმა იმსჯელეს ძალაუფლების, ტექნოლოგიისა და ადამიანის პასუხისმგებლობის საკითხებზე. პროექტმა ხელი შეუწყო მცირე პროზისადმი ინტერესის ზრდასა და ლიტერატურის, როგორც ღირებულებითი აზროვნების წყაროს, გააზრებას.

პროექტი „მეტი ქალი ჯარში“ მიზნად ისახავდა მოსწავლეებში თავდაცვის ძალების საქმიანობის, სამხედრო სამსახურის მნიშვნელობისა და გენდერული თანასწორობის გააზრებას. სენაკის სამხედრო ბაზაზე ვიზიტის, სამხედრო მოსამსახურეებთან შეხვედრისა და ქალთა როლზე საუბრის საშუალებით მოსწავლეები გაეცნენ სამხედრო პროფესიის პასუხისმგებლობას, დისციპლინასა და ქვეყნის უსაფრთხოებაში მონაწილეობის მნიშვნელობას. პროექტმა ხელი შეუწყო პატრიოტული ცნობიერების, ეროვნული ღირებულებებისადმი პატივისცემისა და ქვეყნის სამსახურისადმი ინტერესის გაძლიერებას.

ერთდღიანი პროექტი ზუგდიდის ბოტანიკურ ბაღში მიზნად ისახავდა ეკო კლუბის წევრებში მცენარეთა მოვლის, გამრავლებისა და ბუნებაზე ზრუნვის მნიშვნელობის გააზრებას. საჩითილე მეურნეობის დათვალიერების, საინფორმაციო საუბრისა და ჩარგვა-დათესვის პრაქტიკული აქტივობის საშუალებით მოსწავლეებმა მიიღეს გარემოსდაცვითი გამოცდილება და უკეთ დაინახეს ადამიანის როლი მცენარეთა დაცვასა და გამრავლებაში. პროექტმა ხელი შეუწყო ეკოლოგიური ცნობიერების, პასუხისმგებლობისა და ბუნებისადმი ინტერესის გაძლიერებას.

პროექტი „კოლხური ბზის გაშენება“ მიზნად ისახავდა მოსწავლეებში გარემოსდაცვითი ცნობიერების, ბიომრავალფეროვნების დაცვის მნიშვნელობისა და პრაქტიკული ეკოლოგიური უნარების განვითარებას. კოლხური ბზის ნერგების შერჩევის, მოვლისა და გაშენების პროცესში მონაწილეებმა პრაქტიკულად ჩაერთნენ ბუნების დაცვის საქმიანობაში, რითაც თეორიული ცოდნა რეალურ ქმედებად აქციეს. პროექტმა ხელი შეუწყო პასუხისმგებლობის, ეკოლოგიური კულტურისა და ბუნებრივი მემკვიდრეობის დაცვის მნიშვნელობის გააზრებას.

ერთდღიანი პროექტი „კლიმატის ცვლილების მოქმედებათა დღე“ მიზნად ისახავდა მოსწავლეებში კლიმატის ცვლილების შესახებ ცნობიერების ამაღლებასა და ეკოლოგიური პასუხისმგებლობის გაძლიერებას. ტრენინგ-სემინარის, პრეზენტაციების, ვიზუალური მასალების, ჯგუფური მუშაობისა და „კლიმატის პირობის“ აქტივობის საშუალებით მონაწილეებმა გააანალიზეს კლიმატის ცვლილების არსი, მისი შედეგები და საკუთარი როლი გარემოს დაცვაში. პროექტმა ხელი შეუწყო პრაქტიკული ეკოლოგიური ქმედებების დაგეგმვასა და ყოველდღიურ ცხოვრებაში პასუხისმგებელი ქცევის მოტივაციის ზრდას.

პროექტი „თუ ვერ ვიგუეთ, ვერ შევიფერეთ, კარგი შვილები რად გვებადება! ზვიადი და მერაბი“, რომელიც ზვიად გამსახურდიას დაბადების დღეს მიეძღვნა, მიზნად ისახავდა მოსწავლეებში ეროვნული თვითშეგნების, ისტორიული მეხსიერებისა და მოქალაქეობრივი პასუხისმგებლობის გაღრმავებას. პრეზენტაციების, დოკუმენტური ფილმის ჩვენებისა და დისკუსიის საშუალებით მოსწავლეები გაეცნენ ზვიად გამსახურდიასა და მერაბ კოსტავას ცხოვრებას, საზოგადოებრივ მოღვაწეობას, მეგობრობასა და თავისუფლებისთვის ბრძოლის იდეალებს. პროექტმა ხელი შეუწყო ქვეყნის უახლესი ისტორიისადმი ინტერესის გაძლიერებასა და ეროვნული ღირებულებების გააზრებას.

კამპანია ძუძუს კიბოსთან ბრძოლის საერთაშორისო დღესთან დაკავშირებით მიზნად ისახავდა მოსწავლეებში ჯანმრთელობის დაცვისა და პრევენციის მნიშვნელობის გააზრებას. საინფორმაციო მასალის მომზადების, გავრცელების, სემინარისა და კითხვა-პასუხის ფორმატის საშუალებით მოსწავლეებმა მიიღეს ასაკის შესაბამისი ინფორმაცია ადრეული დიაგნოსტიკის, რეგულარული შემოწმებისა და ჯანსაღი ცხოვრების წესის შესახებ. კამპანიამ ხელი შეუწყო ჯანმრთელობის კულტურის პოპულარიზაციას, პრევენციული ცნობიერების ამაღლებასა და პასუხისმგებლიანი დამოკიდებულების გაძლიერებას.

პროექტი „ერთი დღე ავტომობილის გარეშე“ მიზნად ისახავდა მოსწავლეებში ეკოლოგიური ცნობიერებისა და გარემოსდაცვითი პასუხისმგებლობის გაძლიერებას. თემატური განხილვების, ჯგუფური მუშაობის, კვლევისა და პრაქტიკული აქტივობის საშუალებით მოსწავლეებმა გააანალიზეს ავტომობილის ეკოლოგიური და სოციალური ზეგავლენა. პროექტმა ხელი შეუწყო პასუხისმგებელი მოქალაქეობრივი პოზიციის ჩამოყალიბებას, პრობლემის გადაჭრის იდეების განვითარებასა და გარემოსდაცვითი ინიციატივების გაგრძელების მოტივაციის ზრდას.

კვირეული „ევროპა ჩვენი არჩევანია“ მიზნად ისახავდა მოსწავლეებში ევროპული ღირებულებების, დემოკრატიული პრინციპებისა და მოქალაქეობრივი პასუხისმგებლობის გააზრებას. პრეზენტაციების, საინფორმაციო შეხვედრების, დისკუსიებისა და შემოქმედებითი აქტივობების საშუალებით მოსწავლეები გაეცნენ ევროკავშირის ისტორიას, ევროპული ქვეყნების კულტურას, ადამიანის უფლებების, თავისუფლების, თანასწორობისა და დემოკრატიის მნიშვნელობას. კვირეულმა ხელი შეუწყო კრიტიკული აზროვნების, ტოლერანტობის, თანამშრომლობისა და საქართველოს ევროპული მომავლისადმი ინტერესის გაძლიერებას.

პროექტი „გულთან ახლოს აფხაზეთია“ მიზნად ისახავდა მოსწავლეებში აფხაზეთის თემის ისტორიული და ღირებულებითი გააზრების გაღრმავებას. კლუბური საუბრების, ოკუპაციის შედეგებზე მსჯელობისა და რუხის საზღვართან გამართული სიმბოლური, მშვიდობიანი მსვლელობის საშუალებით მოსწავლეებმა გამოხატეს ერთიანობა და სოლიდარობა ოკუპაციის შედეგად დაზარალებულთა მიმართ. პროექტმა ხელი შეუწყო მოქალაქეობრივი ცნობიერების, ეროვნული თვითშეგნების, პასუხისმგებლობისა და ისტორიული მეხსიერების მნიშვნელობის გააზრებას.

ორდღიანი პროექტი „ბიომრავალფეროვნების საერთაშორისო დღე“ მიზნად ისახავდა მოსწავლეებში ეკოლოგიური ცნობიერებისა და ბუნების დაცვისადმი პასუხისმგებლობის გაძლიერებას. ფილმის ჩვენების, თემატური განხილვების, ჯგუფური მუშაობის, დისკუსიებისა და პრეზენტაციების საშუალებით მოსწავლეები გაეცნენ ბიომრავალფეროვნების მნიშვნელობას, მის წინაშე არსებულ საფრთხეებსა და ადამიანის როლს გარემოს დაცვაში. პროექტმა ხელი შეუწყო გარემოსდაცვითი ღირებულებების ჩამოყალიბებასა და ბიომრავალფეროვნების დაცვის მნიშვნელობის გააზრებას.

პროექტი „ბავშვთა უფლებები“, რომელიც სამოქალაქო კლუბ „მომავლის ევროპელების“ ფარგლებში განხორციელდა, მიზნად ისახავდა მოსწავლეებში საკუთარი უფლებებისა და პასუხისმგებლობების გააზრებას. ბავშვთა უფლებების კონვენციის გაცნობის, რეალური სიტუაციების განხილვის, დისკუსიების, ჯგუფური მუშაობისა და პრეზენტაციების საშუალებით მოსწავლეებმა გააანალიზეს უფლებების დაცვის მნიშვნელობა ყოველდღიურ ცხოვრებაში. პროექტმა ხელი შეუწყო მოქალაქეობრივი ცნობიერების, თანამშრომლობის, არგუმენტირებული მსჯელობისა და დემოკრატიული ღირებულებების განვითარებას.

აუტიზმის საერთაშორისო დღისადმი მიძღვნილი პროექტი მიზნად ისახავდა მოსწავლეებში განსხვავებულობის მიღების, პატივისცემისა და ინკლუზიური კულტურის განვითარებას. საინფორმაციო საუბრის, ვიზუალური მასალების, ფერადი წინდების შექმნის, ერთობლივი პლაკატისა და ფოტოაქტივობის საშუალებით მოსწავლეებმა უკეთ გაიაზრეს აუტიზმის შესახებ ცნობიერების ამაღლების მნიშვნელობა. პროექტმა ხელი შეუწყო ემპათიის, თანასწორობის, მეგობრობისა და სოციალური პასუხისმგებლობის ღირებულებების გაძლიერებას.

პროექტი „არა ბარბარიზმებს!“ მიზნად ისახავდა მოსწავლეებში ქართული ენის სისუფთავის მნიშვნელობის გააზრებასა და ენობრივი კულტურის განვითარებას. კლასებში ჩატარებული გამოკითხვის, ბარბარიზმების ქართული შესატყვისების მოძიებისა და საინფორმაციო მოწოდებების საშუალებით მოსწავლეებმა უკეთ დაინახეს უცხო სიტყვების გავლენა ყოველდღიურ მეტყველებაზე. პროექტმა ხელი შეუწყო მშობლიური ენისადმი პასუხისმგებლობის გაძლიერებას, ქართული სიტყვების გამოყენების მოტივაციის ზრდასა და კვლევითი და პრაქტიკული უნარების განვითარებას.